Ерасыл – екі дүркін әлем чемпионы
qarmaqshy-tany.kz СЫР ЕЛІНЕ АЛБАНИЯ МЕМЛЕКЕТІНЕН СҮЙІНШІ ХАБАР. ҚАСИЕТТІ ҚАРМАҚШЫ ТОПЫРАҒЫНЫҢ ТОЛАҒАЙЫ, 2022 ЖЫЛЫ МЕКСИКАДА ЖАСӨСПІРІМДЕР АРАСЫНДА ӨТКЕН ӘЛЕМ БІРІНШІЛІГІНДЕ ЖЕҢІМПАЗ АТАНҒАН ЕРАСЫЛ СӘУЛЕБЕК 28 НАУРЫЗДА ЗІЛТЕМІР КӨТЕРУДЕН ЖАСӨСПІРІМДЕР АРАСЫНДА ӨТКІЗІЛГЕН ӘЛЕМ БІРІНШІЛІГІНДЕ 73 КЕЛІ САЛМАҚ ДӘРЕЖЕСІ БОЙЫНША ЧЕМПИОН АТАНЫП, ҚАЗАҚ ЕЛІНІҢ АБЫРОЙЫН АСҚАҚТАТТЫ.
Ол өз салмағында жұлқа көтеруден 137 келі, серпе көтеруден 168 келі, жалпы қоссайыс бойынша 305 келі зілтемірді көтеріп, жасөспірімдер арасында Әлем біріншілігінің шыңына көтерілді.
Ерасыл Олимпиадалық резервтің мамандандырылған аудандық №15 балалар мен жасөспірімдер мектебінің ауыр атлетика бөлімінің жаттықтырушысы Айдар Ерәлиевтың шәкірті. Жеңісің құтты болсын, Ерасыл!
Нұрбай ӘБІЛАХАТҰЛЫ
https://www.instagram.com/p/Cqe3ycNtHaa/?utm_source=ig_web_copy_link
