qarmaqshy-tany.kz Бүгін Қармақшы аудандық мәдениет және спорт бөлімі, халықаралық «Қазақ тілі» қоғамы аудандық филиалы, орталық кітапхана және облыстық тілдерді оқыту орталығының мемлекеттік тіл оқытушысының ұйымдастыруымен латын әліпбиіне байланысты ақпараттық сағат өтті.

Тіл жанашырлары мен қоғам белсенділері қатысқан мазмұнды шараға Орталықтың Қармақшы ауданы бойынша мемлекеттік тіл оқытушысы Гүлжанат Дүзенова модераторлық етті.

Ақпараттық сағат барысында тақырыпқа сай әзірленген кітап көрмесі мен арнайы дайындалған бейнеролик көрсетілді.

Әлемдік өркениет жетістіктеріне бағытталған жоспар жүйесіне сәйкес латын әліпбиіне көшу үрдісі және маңыздылығы талқыланған басқосуда қатысушылар өз ойларын ортаға салды.