Балабақша мен ата-ана ынтымақтастығы
qarmaqshy-tany.kz ҚАЗАҚ «БАЛА – АДАМНЫҢ БАУЫР ЕТІ», «БАЛАЛЫ ҮЙ – БАЗАР» ДЕЙДІ. ӨЙТКЕНІ БАЛА – ӨМІРДІҢ ЖАЛҒАСЫ, ОТБАСЫНЫҢ ЖЕМІС БЕРЕР ГҮЛІ. БІЗ ҚАЗІРГІ УАҚЫТТА ЖҰМЫСБАСТЫЛЫҚПЕН БАЛАМЫЗДЫҢ ІС-ӘРЕКЕТІ, МІНЕЗ-ҚҰЛҚЫ, ҚЫЗЫҒУШЫЛЫҒЫ МЕН БЕЙІМДІЛІГІНЕ ЖӘНЕ КҮНДЕЛІКТІ КӨҢІЛ-КҮЙІНЕ МӘН БЕРІП ЖҮРМІЗ БЕ? БАЛАЛАРЫМЫЗ ҚАЛАЙ ӨСІП КЕЛЕДІ?
Осы сұрақтар төңірегінде Қуаңдария ауылындағы №14 «Шолпан» бөбекжайбақшасында «Менің балам» атты атааналармен кездесу өтті. Мақсаты – бала тәрбиесіндегі балабақша мен отбасы ынтымақтастығын нығайту. Балалардың мінез-құлқын, бейімін, қызығушылығын, мүмкіндігін тереңірек зерттеу. Ата-ана, бала, тәрбиеші үштігі арасындағы өзара сенім мен сыйластық орнауына ықпал ету.
Іс-шараға бала тәрбиесіне бейжай қарамайтын барлық ата-ана белсенділікпен қатысты. Бір сәт балалық шақтарына қайта оралып, өздеріне беймәлім қырынан танып-білуге мүміндік алды. Аналар балаларымен түрлі ойындар ойнап, қолөнер бұйымын жасады. Нәтижесінде балаларын жаңа қырынан танып, білді.
Аида БАЗАРҚЫЗЫ,
бөбекжай-бақшаның тәрбиешісі
