Қармақшыда сайлаушылар наурыз көжеден дәм татты

qarmaqshy-tany.kz Қармақшы ауданы Жосалы кенті орталығындағы №4 округке қарасты №98 сайлау учаскесі науқанға тыңғылықты дайындалыпты. Таңнан бері дауыс берушілердің қарасы қалың.

Алғашқылардың бірі болып Қармақшы ауданы әкімінің орынбасары Жұлдызхан Байназарұлы өз таңдауын жасады. — Келешек ұрпақ ештеңеден қысылмай, бақытты өмір сүргенін қалаймын. Бірде-бір сайлаудан қалыс қалмаймын. Жерлестерімді де бүгінгі саяси науқанға белсенді қатысуға шақырамын, — деді аудан әкімінің орынбасары.

Ал №105 мектеп-лицейінің ұстаздары ұлттық киімде киініп келіп дауыс берді.

Сонымен бірге наурыз мерекесі қарсаңында дауыс беруге келген тұрғындарға наурыз көже мен айран бауырсақ таратылды.