qarmaqshy-tany.kz Қармақшы ауданы бойынша №98, №99 және №100 сайлау учаскелерінде сайлау науқаны жоғары дәрежеде өтуде. Ерте азанмен басталған сайлауда дауыс беруге, яғни өз таңдауын жасауға алғаш болып келгендер арасында Жақсылык Омаров, Айдос Алманов, Гулнафис Нұрмахановалар бар.

Сонымен қатар Бектай Шерниязов, Төленді Мырзабаев, Мұрат Тұрғанов, Нұрлан Бисембаев, қарт сайлаушы Ақкүріш Алтаевалар отбасымен келіп, өз таңдауларын жасады. Сондай-ақ алғаш рет өмірінде жас сайлаушылар да дауыс беруге қатысты.

Шара барысында сайлаушылар арасында ұлттық ойын-асық ату, ләңгі тебу сияқты ойындар ойналып, "Бауырсақ пати" атты бауырсақ пен ыстық шай ұйымдастырылды. Бақыт Райымбаева сынды тұрғындар 100-ші болып дауыс берді. Бауыржан Жайсаңбаев қызымен келіп сайлауға дауыс беруге үлесін қосты.