qarmaqshy-tany.kz Қазақ салт-дәстүрлерін ұлықтауда, ұлттық құндылықтарды жастарға дәріптеуде, салауатты өмірді насихаттауда аудан орталығындағы Қармақшы Ш.Уәлиханов Орта Мектебінде 4-7 сынып қыздарының жеңгелерімен бірге қатысуымен ұлттық сайыс өтті. Осы сайыста

Қармақшы Жастар Денсаулығы Орталығы психологі Әмина Кетебаева мен СӨСҚ кабинетінің маманы Дариха Құлмырзаевалар төрешілер қатарында болып, жасөспірімдер бойындағы шығармашылықтар мен ізденімпаздықтарына, логикалық ойларына, фантазиясына, шеберлігі мен әнші - бишілік өнерлеріне куә болды. Сонымен қатар түрлі сұрақтардан сүрінбей өткен қыздардың қуанышты сәттерін тамашалады.

Бұл шара аз ғана болса да мәні зор, берекелі іс болды. Татулық пен достықтың қадірін, жақсы қарым-қатынасты, сыйластықты, уақытты тиімді пайдалануды, тәни белсенділік пен жауапкершілікті сездіретін, дәріптейтін сәт болды.

Барлық қатысушыларға үлкен алғыс білдіреміз.

Оқуда озат болып,еңбекте алда болуын, салауатты ұрпақ болуын тіледік.