qarmaqshy-tany.kz Ағымдағы жылдың қазан айында Жосалы кенті орталығындағы С.Есқараев атындағы №27 мектебінің 8-10 сынып қыз балалар оқушыларының қатысуымен «Қыз өссе – елдің көркі!» атты тақырыбында кездесу өткізілді.

Кездесуге: аудандық полиция бөлімінің жергілікті полиция қызметі бөлімшесінің әйелдерді зорлық-зомбылықтан қорғау тобының инспекторы полиция капитаны А.Касимова, ЮПт-ның УПИ-ры полиция капитаны А.Шакзада, Қармақшы «Жастар денсаулық орталығының» психологі Ә.Кетебаева және Қармақшы аудандық емханасының Салауатты өмір салтын қалыптастыру кабинетінің маманы Д.Құлмырзаевалар қатысты.

Мақсаты: қыздар қауымымен сырласа отырып, олардың тәрбиесіне көңіл бөлу, эстетикалық тәрбие беру, оларға салт – дәстүрді үйрету, олармен пікірлесе отырып, өздерін мазалап жүрген сұрақтары болса, соған жауап табу, еркін өз ойларын ашып айтуға баулу. Сонымен қатар, қыз балалардың жан дүниесіндегі көркемдік талғамын қалыптастыру, қазақ халқының қыз тәрбиелеу салт-дәстүріне байланысты әдептілікке, инабаттылыққа, ізеттілікке тәрбиелеу, ұлтжанды, қамқор болуға, ізгілікке, достықты қастерлей білуге тәрбиелеу және де отансүйгіштік сезімдерге баулу.