Оқушылар ардагерлермен кездесті
qarmaqshy-tany.kz Қармақшы ауданының Полиция бөлімінің Жергілікті полиция қызметі бөлімшесінің ювеналды полиция тобының инспекторы полиция лейтенанты Еспанов Қайрат Әділбекұлының қатысуымен Жосалы кенті орталығындағы №250 мектеп-лицейі оқушылары Ішкі істер органының ардагері Назарқұлов Есет Камаладинұлымен және еңбек ардагері Сариев Орынбасар аталарымен кездесіп сыр сұхбат жүргізілді.
Кездесудің мақсаты: Ардагерлер жолын оқушыларға үлгі ету. Олардың әңгімесің мәнін ұғыну, үлкендерді сыйлауды, құрметтеуді үйрету.
Кездесу барысында құрметті ардагерлеріміз әрбір баланың адамгершілікті, отансүйгіштікті, тәрбиелілік пен тәртіптілікті және өзін қоршаған ортада қалай ұстау керектігі жайлы әңгімелер айтты. Жиында құқық бұзушылықтың алдын алу тақырыптарында бейнероликтер көрсетілді.
Қармақшы ауданының Полиция бөлімі
Жергілікті полиция қызметі бөлімшесі
