qarmaqshy-tany.kz 8 наурыз-Халықаралық әйелдер күніне орай Жаңажол ауылдық округінде "Ана-өмірдің шуағы" тақырыбында ардагер аналармен кездесу кеші өтті.

Кеш барысында ауылдың ардақты аналарына құрмет керсетіліп, отбасындағы аналардың орны, ұрпақ тәрбиесі жайында мазмұнды ой қозғалды.

Ұзақ жылдар ел дамуына еңбек еткен ардагер аналар кейінгі жас буынға өз өмір жолдарынан өнегелі, тағылымды әңгімелер айтты.

Жаңажол ауылындағы береке мен біріктің, ізет пен өнегенің нағыз үлгісі көрінген керемет кеште ауылдың ізетті келіндерінің үлкеннің алдынан кесіп өтпей, бәрі қаз-қатар сәлем салған көрінісі жүрек жылытты.

Аталған кешке аудандық әйелдер кеңесінің төрайымы Г.Раева, аудандық емхана психологы, әйел—аналар кеңесінің мүшесі Ә.Кетебаева, Қызылорда облысы бойынша діни экстремизмге қарсы іс-қимыл жөніндегі облыстық ақпараттық-түсіндіру тобының мүшелері - аудандық"Қармақшы таңы" газетінің редакторы С.Райымбаева, аудандық қоғамдық даму бөлімінің бас маманы Н.Наурызбаевалар қатысты.