Қызылорда облысында бастауыш сынып оқушылары 100% тегін ыстық тамақпен қамтылған

Қызылорда облысы бастауыш сынып оқушылары толық деңгейде тегін тамақпен қамтылған өңірлер қатарында. Бұл туралы бүгін Үкімет отырысында айтылды.
ҚР Премьер-Министрі Әлихан Смайыловтың төрағалығымен өткен Үкімет отырысында білім беру ұйымдарындағы қауіпсіздік және оқу процесін цифрландыру мәселелері қаралды.
ҚР Оқу-ағарту министрі Ғани Бейсембаев республикадағы орта мектептерде бала қауіпсіздігін қамтамасыз ету барысын баяндап, бастауыш сынып оқушыларына тегін ыстық тамақ ұйымдастыру мәселесіне тоқталды.
Еске салсақ, биыл Қазақстандағы бастауыш мектеп оқушыларын 100% тегін ыстық тамақпен қамту тапсырылды. Қазіргі таңда бірқатар аймақта, оның ішінде Қызылорда облысында, бұл тапсырма толығымен орындалды.