Аналарға сый құрмет

qarmaqshy-tany.kz Тұрмағамбет ауылында "8 наурыз Халықаралық әйелдер күні" мерекесіне орай «Тұрмағамбет » ЖШС және «Әділет Жер LTD» ЖШС өз ұжымдарындағы аналарға сый құрмет көрсетті.

Мерекелік шараға Дауылкөл ауылдық округі әкімі М.Алдамұратов қатысып, аналар мен қыз келіншектерді төл мерекесімен құттықтады. «Тұрмағамбет» ЖШС директоры Н.Пірмантаев орталық тойханаға мерекелік дастархан жайып, ақ жаулықты аналар мен ауыл ақсақалдарын шақырып, мерекесімен құттықтап, сыйлықтарын табыстап, ауыл ақсақалдарының ақ батасын алса, «Әділет Жер LTD» ЖШС директоры Е.Бисембаев аналар мен қыз келіншектерді ауыл клубына шақырып, мерекелік сыйлықтарын табыстады және аналарға арнап ауыл көркемөнерпаздарының концерттік бағдарламасымен ұластырды. Бүгінгідей төл мерекеде өздеріне көрсетіліп жатқан құрметке ауылымыздағы ақ жаулықты аналарымыз ризашылық сезімдерін білдіріп, алғыстарын айтты. Мерейлі мерекеде ауылымыздың ақ жаулықты аналарына құрмет жасап жатқан шаруашылық басшыларына алғыс білдіреді.