Семейде қайырымды жандар алты баланың анасына үй тарту етті
Семейде қайырымды жандардан тегін үй алған алты баланың анасы көзіне жас алды деп хабарлайды NUR.KZ порталы.
Үйдің кілтін табыстау сәті. Видеодан скриншотҚуанышты хабарды отандық әнші Серік Ибрагимов желі парақшасында жариялаған.
"Жаратқан иеме сансыз мадақ! Сүйінші! "Харекет" қайырымдылық қоры сегізінші үйді иесіне табыстады. Семей қаласында алты баланың анасы Тоғжан Нұржанқызына берілді! Ой-ниетімен, сөз-дұғасымен, қаражат-қаржысымен үлес қосқан барша жанға Алла разы болсын!", - деп жазды Серік Ибрагимов.
Әнші бұл қуанышты сәттің видеосымен де бөліскен. Видеода көпбалалы анаға имамның үй беріліп жатқанын хабарлағаны байқалады.
"Үйіңіз құтты болсын... Мешіттің атынан үй алып беріп тұрмыз" деген имамның сөзіне жас келіншек біраз уақыт сене алмады.
"Түсіне алмай тұрмын... Қорқамын... Қалжыңдап тұрсыз ба?", - деп көзіне жас алды көпбалалы ана.
