Ауылдық округте көктемгі тазалық жұмыстары басталды
«Тазалық – саулық негізі» дейді дана халқымыз. Тазалықты сақтау, оған айрықша мән беру – әрбір адамның туған жеріне деген жанашырлықты қажет етеді. Әсіресе, ауыл тазалығын сақтау өте маңызды шаруа екені айтпаса да түсінікті. Осы орайда, ІІІ Интернационал ауылының елді мекеннің айналасын тазалау, қоқыстан арылту, тал-дарақ егу жұмыстары санитарлық тазалықтың екі айлығында жасалады.
Бұл тұста ауыл тұрғындарының әрбір іске жанашырлықпен қарап, тиісті дәрежеде жауапкершілікті сезінуі керек-ақ.
Бүгін ауылдық округте жаппай сенбілік ұйымдастырылып, санитарлық тазалық жұмыстары өткізілді. Аталған жұмыстарға меншік нысанына қарамастан барлық мекеме, шаруашылықтар, кәсіпкерлер және тұрғындар қатысты.
Бүгінгі санитарлық тазалық жұмыстары көктемгі екі айлықтың бастауы болып есептеледі. Сондықтан алдағы уақытта да осындай сенбіліктер ұйымдастырылып, тиісті жұмыстар жүргізілетін болады.
