Басқарма басшысы шаруа қожалық иелерімен кездесті

qarmaqshy-tany.kz Басқарма басшысының жұмыс сапары Жалағаш пен Қармақшы аудандарында жалғасты.

Басқарма басшысы аудандық әкімдікте аудан әкімінің орынбасарлары, қаржы институт өкілдері, «Қазсушар» РМК филиалының басшысы мен шаруашылық иелерімен жиын өткізді.

Жиында мемлекет тарапынан берілетін қолдаулар, қаржы институттары арқылы несиелендіру, көктемгі егін егу жұмыстарына дайындық барысы талқыланды.

Басқарма басшысы су тапшылығы мәселесінің жылда жылға өзекті екендігін ескертіп, шаруалардың суды аз қажет ететін өзге де дақылдарға басымдылық беру керектігін айтты.

Жиында мемлекет тарапынан берілетін төмен пайызды несиелер мен қолдау шаралары жан-жақты талқыланып, тиісті түсіндірмелер берілді.

Сондай-ақ, шаруа қожалық иелері сала бойынша туындаған сұрақтарға жауап алып, пікір алмасты.