Семинар: "Мамандықтар әлемі"
qarmaqshy-tany.kz Аудандық білім бөлімінің жоспарына сәйкес ағымдағы жылдың 24 ақпан күні Ш.Уәлиханов атындағы №26 орта мектебінде "Мамандықтар әлемі" тақырыбында аудандық семинар өткізілді.
Семинарға аудан мектептерінің бейінді бағдарлы орынбасарлары қатысып, оқушыларға ерте жастан кәсіби бағдар беру, мамандыққа баулу, оқушылардың ойлау қабілеттерін дамыту бағытындағы өз ойларымен бөлісті.
Сондай-ақ семинар барысында ұйымдастырушылар "Кәсіби бағдар беру - мамандыққа жол ашу" тақырыбында кәсіби мамандық түрлеріне тоқталып, арнайы дайындалған 5-сынып оқушыларының әдеби монтажын көрді.
"Мамандықтар әлемі" атты 9-10 сыныптар арасында интеллектуалдық ойын ұйымдастырылып, семинар аясында келген қонақтарға сөз берілді.
