qarmaqshy-tany.kz Ақпан айындағы біріккен жоспарларымызға сәйкес Ахметжан Жанпейісов Атындағы Мектеп-лицейінде 8-сыныптар арасында "Жасөспірімдердің психикалық денсаулығын нығайту және психологиялық кеңестер беру" мақсатында семинар-тренинг өтті. Семинарға Қармақшы Ауданының Білім Бөлімі әдіскері А.Тоқшылықова, Қармақшы Ауданының Полиция Бөлімі капитаны А.Касимова,майор Г.Исмайлова, Жастар Ресурстық Орталығы Қармақшы басшысы Н.Пірназаров,Қармақшы Аудандық Орталық Аурухана және жастар денсаулығы орталығы психологы Әмина Кетебаева, мамандар Дариха Құлмырзаева, Мереке Бековалар қатысып, түсіндірме жасап,буклеттер таратты. Бейнероликтер көрсетілді. Оқушылар сұрақтарына жауап берілді.

Семинарға қатысушы оқушылар шара барысында күнді сәтті өткізудің бірнеше нұсқасын келтірді. Өздері дайындаған көріністерін қойды,ән-билерін тамашаладық.

Әр бала әппақ парақтай тап-таза! Осы бастан жақсы әдеттер мен терең білімді, құнды тәрбиені,жақсы мінез-құлықты бойына сіңірген жас, өскелең ұрпақ-ертенгі мемлекет басшысы,ұлт тізгініне ие!

Шыбықты баптап,саялы бәйтерек етуде бірігейік!