Ақын - елдің данасы
qarmaqshy-tany.kz Қармақшы аудандық Көшеней Рүстембеков атындағы Жыраулар үйіне қарасты “Ешнияз сал" үйірмесінің жетекшісі Ә.Мырзағалиевтің ұйымдастыруымен «Ақын-елдің данасы» тақырыбында ақын Мұхамбетқали Шыңғысовтың 95 жылдығына арналған танымдық сабақ болып өтті. Сабақта ақынның өмірі мен шығармашылығы таныстырылды. Сабақ барысында үйірме шәкірті Елдес Мәди Қали Шыңғысовтың айтыстарынан үзінді орындаса, Абылайханқызы Альбина Базар жыраудың ”Мәжілісін қыздыр алқаның” термесін орындады. Оқушыларға осы өткен және бұрынғы тақырыптардан түрлі деңгейдегі сұрақтар қойылып, белсене қатысқан оқушыларға шағын сыйлықтар табысталды.
Танымдық сабаққа №111-ші орта мектептің тәрбие ісі жөніндегі орынбасары -Құлжанов Ақәділ және мектеп кітапханашысы Берманова Дана қатысып,оқушылардың жырға деген білімдеріне баға беріп, сабақ соңын өз ойларымен бөлісіп қорытындылады.
