Вьетнам соғысының ардагеріне құрмет көрсетті
qarmaqshy-tany.kz «Қармақшы ауданының Құрметті азаматы», Вьетнам соғысына қатысқан жалғыз қазақстандық азамат – Иса Бисенов 81 жасқа толды.
Осыған орай, аудан әкімінің орынбасары Жұлдызхан Байназарұлы аудандық ардагерлер кеңесінің төрағасымен бірге жауынгер ардагердің шаңырағына барып, мерейтой иесіне аудан әкімінің құттықтау хаты мен ыстық ықыласын жеткізіп, сый-сияпат табыстап, құрмет көрсетті.
Қазірде жасы сексеннен асқан ардагер зайыбы Әлияш анамызбен бірге 7 бала, 22 немере мен бірнеше шөберенің қызығын көріп отыр.
