qarmaqshy-tany.kz Байкоңыр қаласындағы №277 мектеп-лицейінде 23.01.-03.02.2023 жыл аралығында "Алаш зиялыларының мұрасы және тәуелсіз Қазақстанның құндылықтары" такырыбындағы онкүндік аясында тарих пәні мұғалімі Бабасова Рыскул 02.02.2023 жылы "Алаш идеясының өзектілігі және XXl ғасырдағы қазақ қоғамында жаңғыртылуы" атты танымдық кеш ұйымдастырды.

Іс-шараның мақсаты: Алаш идеясын ұрпақ бойына сіңіру. Алаш идеясы ұлтты біріктіруші, тұтастырушы идея ретінде қашан да қазақпен бірге жасайтынын, Алаштың жолы, Алаш қайраткерлері қалыптастырған ұлттық санамызды жаңғырту сапары - бүгінгі тәуелсіздігімізді тұғырлы етер берік ұстанымдардың бірегейі болатынын ұғындыру.

Кеш барысында онкүндік аясында өткізілген іс-шараларға белсене қатысқан оқушылар марапатталды.

Ғұмыры ұзақ болмаса да қазақтың тұңғыш үкіметі құрылып, қазақ халқының мемлекеттікке лайықты ел екені паш етілді.Алаш арыстарының ең басты еңбегі олар сол қиын уақытта толыққанды саяси партия құрып, өз халқының мүдделерін батыл қорғау жағына шыға алуында. Алаш қозғалысы заманалық маңызы бар құбылыс, оның идеялары мен бағдарламалары ұлттық мемлекеттілікті қалыптастыруды мақсат еткендігін оқушыларға ұғындыруда апталықтың үлесі зор болды.