Республикалық олимпиаданың аудандық кезеңінің үшінші күні

qarmaqshy-tany.kz Жалпы білім беретін пәндер бойынша республикалық олимпиаданың аудандық кезеңінің үшінші күнінде география, информатика және қазақ мектептеріндегі орыс тілі пәндері бойынша білім додасына 170-ке жуық дарынды оқушы қатысуда.

Оқушылардың жұмыстары шифрланып, қазылардың бағалау барысы тікелей эфирде жүргізіледі.

Олимпиаданың ашықтық пен академиялық адалдықты қамтамасыз ету үшін оқушылардың жауап парақтары және бағалау қорытындылары аудандық білім бөлімінің ресми сайтында және әлеуметтік Facebook парақшасында жарияланып, ұстаздар мен ата-аналардың көруіне мүмкіндік жасалуда.