Аудандық партия филиалының кезектен тыс XXXIX конференциясы өтті
qarmaqshy-tany.kz Бүгін «AMANAT» партиясы Қармақшы аудандық филиалының кезектен тыс XXXIX конференциясы өтті. Конференция жұмысын филиал төрағасы Әділ Қошалақов ашып, жүргізді.
Жиында күн тәртібіне сәйкес бір мандатты округтер бойынша аудандық мәслихатқа кандидаттар ұсыну туралы және «AMANAT» партиясы Қызылорда облыстық филиалының кезектен тыс XXXIX конференциясына делегаттарды сайлау мәселелері қаралды.
Конференция жұмысына партия филиалының 18 бастауыш партия ұйымынан 60 делегат сондай-ақ, партия ардагерлері мен белсенділері, бұқаралық ақпарат құралдарының өкілдері мен «Жастар рухы» жастар қанатының мүшелері қатысты.
Жиынның күн тәртібіндегі мәселелер толық қаралып, тиісті қаулылар қабылданды.
