Санитарлық - тазалық мәселесі талқыланды
qarmaqshy-tany.kz Бүгін аудан әкімі Жандос Еркінбекұлының төрағалығымен аудандық маңызы бар жолдар мен магистралдық темір жол бойында орналасқан нысандардың санитарлық тазалық мәселесін талқылау мақсатында мәжіліс өтті.
Мәжіліске «Батыс Еуропа – Батыс Қытай» автожолының бойындағы кәсіпкерлік нысандарының иелері, «Қазақавтожол» АҚ Қармақшы ауданы бойынша филиалының, Жосалы станциясының және вокзалының басшылары қатысты.
Аудан басшысы Жандос Еркінбек республикалық және аудандық маңызы бар жолдар мен магистралдық темір жол бойында орналасқан нысандар мен көлік обьектілерінің санитарлық тазалығын күнделікті қамтамасыз етуді қатаң тапсырды.
