Білім берудегі жаңа тренд, жаңа көзқарас
qarmaqshy-tany.kz «Мұғалім - тәуелсіз мемлекетіміздің болашағын қалап жатқан маман. Өйткені, ел болашағының кілті - бүгінгі жас ұрпақтың қолында. Жас ұрпақтың тағдыры олардың бойына білім мен ізгілік нұрын себуші - ұстаздардың қолында.
Осы орайда №121 орта мектебінің жылдық жоспары негізінде, мектеп директорының ғылыми-әдістемелік ісі жөніндегі орынбасары Талғат Сағатұлымен және "Тәлім" жас мамандар орталығының жетекшісі Жұмағалиева Маржанның ұйымдастыруымен «Жас мамандардың кәсіби даму. Білім берудегі жаңа тренд, жаңа көзқарас» тақырыбында жас мамандар байқауы өткізілді. Жас ұстаздардың біліктілігін, жан - жақты өз кәсібінің шебері екендігін сынау арқылы, оларды іскерлікке, мәдениеттілікке, өз кәсібіне үлкен жауапкершілікпен қарауға бар күш жігерін жұмсауға баулу мақсатында байқау 4 турдан тұрды. Атап айтар болсақ:
Бірінші: Таныстыру сайысы
Екінші: «Өнерлінің өрісі кең»
Үшінші: «Біле білген білімді» ситуациялық тапсырма
Төртінші: «Мамандығым – мақтанышым» кәсіби сайыс.
Жас мамандар барынша тыңғылықты дайындықпен келіп, белсенділік таңытты. Әділ-қазылар алқаларының шешімімен белсенділік таңытқан жас мамандар мектеп директорының мадақтама дипломдармен марапатталды. алдағы уақыттарда жүйелі жұмыстар өз жалғасын табуда.
