Жаңашылдыққа жетелеген семинар
Байқоңырдағы №275 орта мектепте «Білім беру мазмұнын жаңарту жағдайында педагог қызметкерлердің кәсіби шеберлігін арттыру» тақырыбында аудандық семинар өткізілді. Аталған шараға ауданға қарасты білім ошақтарынан жаңашыл мұғалімдер мен тәжірибелі ұстаздар қатысты.
Семинардағы сөз басында мектеп директоры Б.Қалмаханов шараның мақсатымен таныстырды. Сондай-ақ, мектеп мерейін өсіріп жүрген ұлағаттылар қауымының жетістіктерін де тілге тиек етті. Аудандық білім бөлімінің әдіскері Т.Әбенова білім беру үрдісіндегі жаңа әдіс-тәсілдермен толығып жатқанын, ұстаздардың жаңа заманауи бағытқа төселу қажетін айта кетті. Ұстаздардың басын қосқан шарада Р.Сандибаева, Б.Қалмаханова, Д.Жалғасбаева, Ж.Шингисова, Қ.Қорғанбаева, Б.Кенжалиева, Г.Есенбаева, А.Түлкібаева тәрізді ұлағаттылар белсенділік танытып, тәжірибелерімен бөлісті.
Г.Қожағұлова,
№275 орта мектеп
директорының орынбасары.
директорының орынбасары.
