Мексика Қазақстанда өз Елшілігін ашады

Биыл Астана қаласында Мексиканың Елшілігі ашылады. Бұл туралы ҚР Сыртқы істер министрлігінің ресми өкілі Айбек Смадияров ведомствоның брифингісінде мәлімет берді, деп хабарлайды ҚазАқпарат тілшісі.

2023 жылғы 12-13 қаңтарда Мехика қаласында Мексиканың Сыртқы істер министрі Марсел Еврардтың сол елде аккредиттелген дипломатиялық корпуспен 34-ші жыл сайынғы кездесуі өтті. Министр өз сөзінде биылғы мақсаттар туралы айта отырып, 2023 жылы Мексика 5 жаңа елшілікті, оның ішінде Қазақстанда да елшілік ашатынын ресми түрде жариялады.

Қазақстан Мексика үкіметінің шешімін құптайды және Мексиканың Астанада елшілік ашуына көмек көрсетуге дайын», - деді Айбек Смадияров.