Ауғанстандағы Қазақстан елшілігі тәліптермен келісімге келді

Сыртқы істер министрінің орынбасары Ақан Рахметуллин Қазақстан елшісінің Ауғанстандағы Талибандармен келісімге келгені туралы айтты, деп хабарлайды Stan.kz ақпарат агенттігі.



"Саяси тұрғыда келісім болған жоқ. Кабулдағы елшілігіміздің мәліметі бойынша, тәліптер Кабулды басып алған кезде, олар біздің елшілік орналасқан аймаққа кірген. Ол кезде елшіліктің күзеті болмаған. Осы сәтте елші тәліптермен сөйлесуге шыққан. Олар "Сендер кімсіңдер? Қандай елшілік?" деп сұрапты. Біз бұл Қазақстанның елшілігі екенін айттық. Олар "Ештеңеден қорықпай. Жұмыс істей беріңдер. Сендер біздің қорғауымыздасыңдр” деді. Әзірге тек осы деңгейде байланыстар болды", - деді Ақан Рахметуллин ОКҚ онлайн брифингінде.
Бұған дейін Қазақстанның сыртқы істер министрлігі Ауғанстандағы жағдайдың дамуын мұқият қадағалап отырғанын мәлімдеп, барлық қатысушы тараптарды ішкі тұрақтандырудың басты шарты ретінде биліктің бейбіт транзитін қамтамасыз етуге шақырады.