Елбасы Мексика Президентіне құттықтау жеделхатын жолдады

Мемлекет басшысы Нұрсұлтан Назарбаев Қазақстан халқы мен өз  атынан Андрес Мануэль Лопес Обрадорды Мексика Құрама Штаттарының Президенті болып сайлануымен құттықтады.
Елбасы Мексика халқына бейбітшілік пен өркендеуді тіледі. «Саяси және қоғамдық қызметтегі мол тәжірибеңіз арқылы Мексика елінің одан ары өркендеуіне елеулі үлес қосып, оның әлемдегі беделін арттыратынына сенімдімін. Сіздің белсенді қолдауыңыздың арқасында елдер арасындағы достық байланыс пен ынтымақтастық екіжақты тұрақтылық аясында дами бермек» делінген құттықтау хатта.