Сыр өңірінде қуаттылығы 240 мегаватты құрайтын жылу электр орталығының капсуласы салынды

Облыс әкімінің бастамасымен өткен жылы "Акса энерджи" компаниясымен бірге қала аумағын жылу және электрмен толық қамтамасыз ететін қуаттылығы 240 мегаватты құрайтын жылу электр орталығының капсуласы салынды. Құны 215 млрд.теңгеден асатын жоба 2025 жылы толық аяқталады деп жоспарлануда. Бұл жөнінде Өңірлік коммуникациялар қызметінде өткен брифингте облыстық энергетика және тұрғын үй-коммуналдық шаруашылық басқармасы басшысының міндетін атқарушы Ерлан Жоламанов мәлімдеді.

-Өңірдегі жылу құбырларына қайта жаңғырту жұмыстарын жүргізу бойынша былтыр 5 жоба-сметалық құжаттама әзірленіп, сараптама қорытындылары алынды. Сонымен бірге, қаланың жылу желілерін қайта жаңарту бойынша 8 жобаның жоба-сметалық құжаттамаларын әзірлеу жұмыстары басталды. Одан бөлек, 11 білім беру нысанының қазандықтарын құрылыс нормалары мен ережелеріне сәйкестендіру үшін жоба-сметалық құжаттамалары әзірленді. Бүгінгі күнге, 4 жоба бойынша сараптаманың оң қорытындысы алынды, қалған 7 жоба бойынша сараптама қорытындысын алу жұмыстары жүргізілуде. Сонымен қатар, өткен жылы 26 әлеуметтік нысанның жылу қазандықтары қайта жаңартылды