Астана қаласының 20 жылдығы, Қызылорда қаласының 200 жылдығы аясында Т.Есетов атындағы №264 мектеп-лицей базасында қалалық білім бөлімінің ұйымдастыруымен 1-мамыр Қазақстан халқының бірлігі күніне орай "Ынтымағы жарасқан туған өлкем - Қазақстан!" атты мерекелік шара болып өтті.

Іс-шараның басты мақсаты оқушыларды патриотизмге, елін, жерін сүйюге және өзге ұлт өкілдерінің мәдениетін, салтын сыйлауға үйрету болды.

Сонымен қатар, аталған мектептің бітіруші түлектерінен, әскери-қолданбалы спорт түрлерінен, Республикалық пәндер олимпиадасының жүлдегерлерінен құралған оқушылар және қаланың аралас мектептерінде оқитын өзге ұлт өкілдері ұлттық киімдерімен шеруге шығып, ән айтып, би билеп өз өнерлерін ортаға салды.