Байқоңыр қалалық архивінің ұйымдастыруымен 1-мамыр – Қазақстан халықтарының бірлігі күні мерекесіне орай «Ынтымағы жарасқан туған өлкем-Қазақстан» тақырыбында кездесу өткізілді.

Іс шараға өзге ұлт өкілдері, Халықаралық «Қазақ тілі қоғамы» Байқоңыр филиалының төрайымы, С.А.Джиенкулов атындағы Байқоңыр колледжінің студенттері және архив қызметкерлері қатысты.

Кездесу барысында тақырып аясында баяндама оқылып, қонақтар Савчева Евдокия Григорьевна, Ким Тамара қазақ халқы туралы ойларымен бөлісті, Қазақстанды өз Отанымыз деп баршаға мақтан ететіндіктерін жеткізді.

С.А.Джиенкулов атындағы Байқоңыр колледжінің ұстазы Д.Амангельдиева Қазақстан халқы Ассамблеясының құрылу тарихы жөнінде кеңінен тоқталып өтті.

Халықаралық «Қазақ тілі қоғамы» Байқоңыр филиалының төрайымы С.Алтруева алдағы уақытта да осындай іс-шаралар жиі ұйымдастырылса, жас ұрпаққа тәлімді тәрбие беруге көп әсерін тигізетіндігі жөнінде мәлімдеді.

Шара соңында архив басшысы Б.Қапанова келген қонақтарға сый-сияпатын табыстап, алғысын білдірді.