Бас прокурор: Қаңтар оқиғасын негізгі ұйымдастырушылар анықталды
Kyzylorda-news.kz. Мәжілістің жалпы отырысы бүгін бір минуттық үнсіздікпен басталды. Парламенттің төменгі палатасында депутаттардың сауалына Бас прокурор Берік Асылов жауап беріп жатыр, деп хабарлайды Ulysmedia.kz.
«Қаңтар оқиғасы бүкіл елді дүр сілкіндіріп, бәрімізге үлкен сын болды. Нақты ақпарат және заңды баға беру үшін осында келіп отырмыз. Бүгінде қолымызда толық мәліметтер бар. Тергеу органдары оқиғаның хронологиясын, негізгі ұйымдастырушыларды анықтады. Олардың ішінде жоғары лауазымды адамдар мен ұйымдасқан қылмыстық топ мүшелері болды. Барлық қаза болғандардың кім екенін, олардың қалай қайтыс болғанын зерттедік. Қару-жарақты іздеу жалғасуда», - деді ол.
Берік Асыловтың айтуынша, азаптау бойынша істер аяқталуға жақын.
