2022 - Балалар жылы аясында балалармен жүргізілген жұмыстар

qarmaqshy-tany.kz Жалпы әр жыл өз ерекшелігімен есте қалатыны белгілі. Өтіп бара жатқан ескі жылымызды да жаман болды деп айтуға келмес, кітапхана саласы үшін де жемісті жыл болды деп айтуға болады. Ой өрісі кең, алғыр да жүректі, сауатты да салауатты оқырмандар біздің кітапханамыздың мақтаныштары және осындай оқырмандармен жыл бойы бірге болғанымызға өте ризамыз! Балалар жылына орай көптеген (кітап көрмелері, челлендж, әдеби кештер, қызықты сағаттар, дөңгелек үстелдер т.б) жұмыстар жүргізілді. "Бір ел-бір кітап" республикалық акциясы аясында Ахмет Байтұрсыновтың шығармалары оқуға ұсынылып, талдаулар, таныстырылымдар, жасалып, челлендждер, көрмелер, ұйымдастырылып отырды. 2022 жылы халқымыздың заңғар жазушылары - М.Әуезовтің 125 жылдығы, Ә.Нұршайықовтың 100 жылдығы, А.Байтұрсыновтың 150 жылдығы және Ғ.Мұстафиннің 120 жылдық мерейтойлары аталып өтілді. Сонымен бірге кітапхана оқырмандары көптеген байқауларға қатысып, жүлделі орындар иеленіп, Алғыс хаттармен марапатталды.