Жосалы кенті орталығындағы А.Жанпейісов атындағы №105 мектеп-лицейінің жанындағы "Балдырған" күндізгі тынығу лагерінің тәрбиешілері Қ.Әбішова мен Ш.Нақыпова және тәрбиеленушілері балалар кітапханасына саяхат жасады. 2022 жыл Балалар жылына арналған кітап көрмесімен, "Сoworking" орталығы жанынан ашылған "Қылқалам" сурет үйірме мүшелерінің салған суреттерін, "Бір ел - бір кітап" Республикалық акциясы аясында Ахмет Байтұрсыновтың шығармаларымен және 2022 жылғы мерей той иелеріне арналған кітап көрмелерімен таныстырды. Балаларға кітапхана оқырмандарының жетістіктерін және түрлі байқаулар ұйымдастырылатынын айтып өтті.

Білімнің атасы - кітап. Кітап балаларға ақыл-кеңес береді. Кітап ел мен жерді сүю, талантты кішіпейіл болуға, сабырлы болуға тәрбиелейді.