«Тәуелсіз елдің бақытты балалары»
qarmaqshy-tany.kz Байқоңыр қаласындағы №277 мектеп-лицейінде «2022 жыл – Балалар жылын» қорытындылау мақсатында «Тәуелсіз елдің бақытты балалары» атты мерекелік кеш өткізілді. Кеште Балалар жылында ұйымдастырылған түрлі мәдени шаралар, шығармашыл, белсенді оқушылар жайлы роликтер көрсетіліп, аудандық, облыстық, республикалық, халықаралық деңгейде жетістіктерге ие болған балалар құттықталды. Марапат иелері: мектепішілік пәндік олимпиадалардың, ғылыми жобалардың жеңімпаздары, Байқоңыр қалалық би, спорт үйірмелерінің халықаралық, республикалық байқаулар мен жарыстардың жеңімпаздары, республикалық "Ел үміті" энциклопедиясына енген, "Ұлт болашағы" басылымында жарияланған талантты жастар.
