qarmaqshy-tany.kz  Ақай ауылдағы "Ақай" мешітінде ауылымыздағы әлеуметтік көмекке мұқтаж отбасы балалары және мешіт сауат ашу курсының шәкірттері бірлесе “Салауатты жастар” атты спорттық сайыс өтті.

Бүлдіршіндер үш командаға бөлініп үш түрлі спорт түрінен сайысып, осал емес екендерін дәлелдеді.

Сайыс соңында мешіт ұстазы Жолдасбекұлы Азат барлық сайыскерлерге сыйлықтар үлестіріп, “Ең үздік ойыншы” номинациясы бойынша екі бүлдіршінге арнайы сыйлықтар тарту етіп, барлық сайыскерлер дастархан басында дәм татты.

Ислам дінінде денсаулыққа көңіл бөлініп, салауатты өмірдің маңызы өте жоғары бағаланады. Жастық шақтағы қадірі білінбес уақыт пен денсаулықты бағалауға бағытталған іс-шараның берері зор.