Жас кілем тоқушылар жеңімпаз атанды
qarmaqshy-tany.kz «Көп тілегі – көл» деп жатады дана халқымыз. Жуырда «Аңсаған» мүмкіндігі шектеулі балалар қоғамдық бірлестігінде өткен іс-шарада аға буын жас буынға батасын беріп, талабының оң болуына тілектестігін білдіріп еді. Бүгін міне, осы өрендер байқаудан жүлдемен оралып, сүйінші хабарын айтты.
17 желтоқсанда Ақтөбе облысында «Ақжелең» V республикалық байқауы өтті. Оған аудандық «Аңсаған» мүмкіндігі шектеулі балалар қоғамдық бірлестігінің мүшесі, No250 мектеп- лицейінің 7-сынып оқушысы Іңкәр Боранбай мен No26 мектептің 8-сынып оқушысы Құралай Серікбаевалар «кілем тоқу» номинациясы бойынша жүлделі І орынды иеленді. Сондай-ақ, Алматы қаласында өтетін әлемдік байқауға 50% жеңілдікпен жолдаманы жеңіп алды. Аудан намысын әлем елдерінің арасында қорғайтын жас қолөнер шеберлеріне сәттілік тілейміз.
"Қт" ақпарат
