qarmaqshy-tany.kz Ағымдағы жылдың 15 желтоқсан күні Қармақшы аудандық Полиция бөлімінің мәжіліс залында, бөлім бастығының бірінші орынбасары полиция подполковнигі А.Амирбековтің төрағалығымен, Жосалы кентінің ардагерлер кеңесі мүшелерімен, Қармақшы ауданы Полиция бөлімінің жергілікті полиция қызметі бөлімшесінің учаскелік полиция инспекторларымен қылмысты болдырмау, құқық бұзушылықтың алдын алу мақсатында кездесу өткізілді.

Кездесу барысында, Жосалы кентінің ардагерлер кеңесінің төрағасы Е.Ұзақбаев сөз сөйлеп, аудан көлемінде құқық бұзушылықтың алдын-алу, болдырмау, сондай-ақ, бей-берекет иесіз жүрген малдардың қатысуымен болатын жол-көлік оқиғасының алдын алу бойынша, Жосалы кентінде орналасқан бейнебақылаулардың тиімділігі талқыланып, алдағы уақытта бірлесіп атқаратын жұмыстар бойынша басым бағыттар белгіленді. Ардагерлер өз кезегінде кенттегі құқық бұзушылық профилактикасы бойынша бірлесіп жұмыс атқаруға, сондай-ақ, полиция бөлімімен қандай да бір мәселелер бойынша көмектесуге әрдайым дайын екендіктерін жеткізді.