qarmaqshy-tany.kz Бүгін ІІІ Интернационал ауылдық мәдениет үйінде 1986 жылғы желтоқсанда орталықтың әміршіл - әкімшіл солақай саясатына қарсы алғаш рет бас көтеріп демократия жолында құрбан болған аға-апаларымыздың ерліктері жайында түсінік бере отырып, жастардың алаңға не себепті, қандай мақсатпен шыққандығын "Желтоқсан ызғары" атты деректі фильм көрсету арқылы және N108 орта мектептің 7, 8, 9 сынып оқушыларының қатысуымен "Тәуелсіздік— ерлік жолында" атты әдеби-музыкалық монтаждарын ұсынып, шағын театрландырылған қойылымдарын көрсетіп, құрбандарды1 минут үнсіздікпен еске алып, көрермендердің көздеріне жас үйіріліп, тағзым кеші өтті. Кеште N108 орта мектептің қазақ тілі мен әдебиеті пәнінің мұғалімі Құндызай Танкеева өзі жасаған көрмемен таныстырып, оқушылар көп мағлұмат алды. Кеш соңы "Желтоқсан желі" әнімен қортындыланды.

Бүгінде Желтоқсан оқиғасына 36 жыл толуда. Ел іргесі тыныш, халқымыз бай-қуатты болсын! Желтоқсан оқиғасына қатысып, жанын құрбан еткен аға-апаларымыздың жандары жәннатта болсын! Олар ел есінде мәңгі сақталады.