qarmaqshy-tany.kz Қызылорда облыстық білім басқармасының Қармақшы ауданы бойынша білім бөлімінің №20 "Толғанай" бөбекжай-бақшасында тәрбиешілер Ж.Тоқтыбаева және Г.Усенбекованың ұйымдастыруымен "Күн нұры" мектепалды тобы балаларымен бірге Қазақстан Республикасы Тәуелсіздігінің 31 жылдығына орай "Бейбітшілік пен Келісім Тәуелсіздіктің басты жетістіктері" атты ашық тәрбие сағаты өткізілді. Тәрбие сағатқа желтоқсан оқиғасының куәгері Тобжанова Жұмагүл қатысып, балалармен кездесіп, балаларға алдағы уақытта Тәуелсіздік оңайлықпен келмегендігін, осы тәуелсіздік жолында құрбан болған аға әпкелердің ерлігін дәріптеуге құрметтеуге шақырды.