“Өрнек” өнер орталығымен таныстыру

qarmaqshy-tany.kz Бүгін Қармақшы ауданы Т.Көмекбаев атындағы №250 мектеп-лицейінде аудандық семинар өткізілді.

Семинардың мақсаты: ауданымыздағы мектеп басшыларына мектеп жанынан ашылған “Өрнек” өнер орталығымен таныстыру. Іс-шара барысында қадірлі қонақтарымызды мектеп оқушылары жыр-шумақтарымен қарсы алды.

Сонымен қатар, қонақтар “Өрнек” өнер орталығының тыныс-тіршілігімен, қолөнер бұйымдары, дебат орталығымен танысты.

Сондай-ақ шарада театр жобасы аясында театр жетекшісі М.Аяшова оқушыларымен “Жеті лақ” ертегі желісі бойынша қойылым қойса, көркем еңбек пәнінің мұғалімдері Ж.Шоқбарова мен Г.Әлиева "Тұрмыстық қалдықтарды қайта кәдеге жаратудың тиімді жолдары" тақырыбында шебер сынып өткізді.