qarmaqshy-tany.kz Кәмелетке толмағандардың ісі және олардың құқықтарын қорғау жөніндегі аудандық комиссиясының хаттамасына сәйкес аудандық білім бөлімінің ұйымдастыруымен Шоқан Уәлиханов атындағы № 26 орта мектебінде «Темекі шегудің алдын алу және электронды темекінің зияны» тақырыбында семинар-тренинг өткізілді.

Семинарға Аудандық емхананың нарколог дәрігері, салауатты өмір салты кабинетнің маманы, жастар ресурстық орталығының мамандары, аудандық ішкі істер бөлімінің зорлық-зомбылыққа қарсы тобының инспекторы, аудандық білім бөлімінің әдіскері қатысты.

Семинар тренинг «Темекінің және электронды темекінің зияны» тақырыбында бейнероликпен ашылып, қатысып отырған оқушыларға ситуациялық сұрақтар қойылып, №26 орта мектеп парламентінің президенті тәжірибе жасап, жадынамалар таратылды. №26 орта мектебінің «Шаңырақ» мектеп театры оқушылары «Темекінің үш пайдасы» тақырыбында көрініс сомдады.

Семинар-тренингке аудан орталығынан №27, №30, №105, №121, №183, №250 мектептерінен оқушылар қатысты.