Жақында Ш.Уәлиханов атындағы №26 орта мектебі және аудандық аграрлы-техникалық колледжінде «Темекі шегу сән емес, шекпеу сән» «Біз темекісіз Қазақстанды қолдаймыз!» тақырыптарында семинар-тренинг өтті.

Шарада ОЖДО Қармақшы құрылымдық бөлімшесінің психологі Қ.Алданазарова «Темекінің адам денсаулығына зияны» тақырыбында дәріс оқыса, психолог К.Қүлмырзаева сергіту тренингін өткізіп, оқушыларға жаттығу жасатты.

Тренингке колледж директорының тәрбие ісі жөніндегі орынбасары С.Мұратов, колледж психологі К.Құлмырзаев, наркобекет жетекшісі Г.Тәуірбаева, медбике Г.Сейтеновалар қатысып, ұсыныс-пікірлерімен бөлісті.

Шара барысында шәкірттер денсаулық туралы мақал-мәтелді жалғастырып, жылдам жұмбақ шешіп сайысты. Сондай-ақ, монолог оқу, ән айту, сахналық көрініс қою бойынша да өз өнерлерін ортаға салды. Шара қорытындысында бейнероликтер мен слайдтар көрсетіліп, насихаттық парақтары таратылды.