Отбасындағы зорлық-зомбылық соңы неге апарады?

qarmaqshy-tany.kz Қармақшы ауданы көлемінде ағымдағы жылдың 25 қараша -10 желтоқсан аралығында «Әйелдерге қатысты зорлық-зомбылықсыз 16 күн» науқаны басталды. Ақцияның мақсаты - тұрмыстық зорлық-зомбылықтың алдын алу және оған қарсы тұру, полиция деңгейін арттыру, отбасының қоғамдық рөлін нығайту мақсатында өткізілуде.

Осыған байланысты, Қармақшы ауданы Ақтөбе, Дүр Оңғар ауылдық округтерінің №107, №109 мектептерінің 8-11 сынып оқушыларының қатысуымен іс-шара өткізілді. Іс-шараға Қармақшы ауданы полиция бөлімінің Жергілікті полиция қызметі бөлімшесінің инспекторы полиция капитаны А.Касимова, Ювеналдық полиция тобының аға инспекторы полиция майоры Г.Исмайлова, аудандық емханасының психо-әлеуметтік кеңес беру кабинетінің дәрігері А.Балмаханова және аудандық білім бөлімінің әдіскері А.Тоқшылықовалар қатысты.

Іс-шарада айтылған мәселелердің бірі: жасөспірімдерге қатысты зорлық-зомбылықтың алдын алу, зорлық-зомбылық туралы мағлұмат беру, отбасындағы тұрмыстық зорлық-зомбылықтың алдын алу, жолын кесу, жалпы отбасындағы құндылықтар бойынша түсіндірме жұмыстарын жүргізу.

Біздің ұлы бабамыз Әбу Насыр Әл-Фараби:«Адамға ең бірінші білім емес, тәрбие берілу керек, тәрбиесіз берілген білім адамзаттың қас жауы» - деген болатын. Отбасындағы тұрмыстық қатынастар саласындағы құқық бұзушылықтың алдын алуға бағытталған заңды нормалар жетілдірілді. Егерде дүниеде зорлық-зомбылық болмаса адам өмірі, адамзат дүниесі сұлу да әсем болар еді.

Отбасында адам бойындағы асыл қасиеттер жарқырай көрініп, қалыптасады. Отанға деген ыстық сезім – жақындарына, туған-туысқандарына деген сүйіспеншіліктен басталады, - деп айта кетсек қатер болмас. Балалар – еліміздің болашағы. Оларды тәрбиелеу, оқыту, білім беру, болашаққа қадам бастыртып осы өмірде өз орнын таптыру әр ата-ананың міндеті. Өткізілген кездесуден оқушылар үлкен әсер алып қайтты.

Қармақшы АПб-і ЖПҚб-нің ӘЗЗҚт-ы