Ауданымызда акция жалғасын табуда

qarmaqshy-tany.kz Әйелдерге қатысты зорлық-зомбылық әлемнің барлық аймағында таралған және кез келген қоғамда кездесетін жағдай. Нәзік жандыларға қатысты зорлық-зомбылық жасау мәселелсі тек нәсілдігін, әлеуметтік ортасын, шығу тегін ғана қозғап қоймай, сонымен қатар басқа жағдайлардан туындайды.

Айта кетейік, ағымдағы жылдың 25 қараша мен 10 желтоқсан аралығында «Әйелдерге қатысты зорлық-зомбылықсыз 16 күн» акциясына орай, Қармақшы АПб-мі ЖПҚб-нің Әйелдерді зорлық-зомбылықтан қорғау тобымен және волонтерлармен бірігіп халық жаппай жиналатын орындарда (сауда орталықтарда, базарларда) өтіп жатқан іс-шара бойынша түсіндірме жұмыстары жүргізіліп, отбасы тұрмыстық зорлық-зомбылықтың алдын алу жөніндегі жадынамалар таратылды.

Акцияны өткізудегі мақсатымыз – шаңырақты шуаққа бөлеп отырған әйелдерге қатысты тұрмыстағы зорлық-зомбылықтардың, келеңсіздіктердің алдын алу.

Егер Сіз тұрмыстық зорлық-зомбылыққа ұшырасаңыз, не болмаса туысыңыздың, құрбыңыздың, көршіңіздің отбасындағы зорлық-зомбылыққа ұшырағанына куә болсаңыз, жағдайды өзгерту үшін «102» арнасына және 8-705-208-14-68, 8-778-283-09-54 нөмірлеріне хабарласа аласыз.

Қармақшы АПб-мі ЖПҚб-нің ӘЗЗҚт-ы