Бақытты балалық шақ

qarmaqshy-tany.kz Үсен Көлдейұлы Томанов атындағы №183 орта мектебінде 24 қараша 2022 жылы «Бақытты балалық шақ» атты мектеп алды даярлық сыныбында сыныптан тыс жұмыс өтілген болатын.

Мақсаты: Балаларды Қазақстандық патриотизмге, Отансүйгіштік сезімге, адамгершілік қадір-қасиеттерді бойына қалыптастыру, шығармашылық жағынан дамыған жеке тұлға ретінде тәрбиелеу. Балалық балдырған шақтың қызықтарын балаларға түсіндіру. Балаларды жақсылыққа, инабаттылыққа, ата-анаға мейірімді болуға, айналадағы заттарға ұқыпты болуға тәрбиелеу. Ой-өрістерін дамыту, сөйлеу тілдерін жаттықтыру.

Мектеп директорының ғылыми-әдістемелік жұмыстар жөніндегі орынбасары Ж.Таширова мектеп табалдырығын алғаш аттаған бүлдіршіндерге құттықтау сөзімен ертеңгілікті ашып берді. Ертеңгілік ұстаздар мен ата-аналардың қатысуымен өтті.

Ертеңгілікті мектеп алды даярлық сыныбының жетекшісі Г.Мақсатбаева ҚР-ның әнұранымен бастады. Әрі қарай М.Мақатаевтың «Үш бақытым» өлеңімен Серікбайқызы Аяна мәнерлеп оқып, әрі қарай Жаулыбай Елдана, Темірбай Назым әсем әндерімен жалғастырды. Ертеңгілікті «Бұлт пен жаңбыр», «Қағаздар оркестрі» биімен, бүлдіршіндерге арналған тақпақтар, күнделікті өмірде қолынылып жүрген сыпайы сөз байқауы, ата-аналарға арналған «Сіздің өміріңізде бала қандай орынға ие?» атты сауанама қойылып, сөз кезегі ата-аналарға беріліп, ата-аналармен де байланыс жасалды.

Шара соңында балаларды марапаттап, сыйлықтар үлестірілді.