"102" мобильді қосымшасы

qarmaqshy-tany.kz Қармақшы ауданы Полиция бөлімінің Кезекші бөлімшесінде "102" мобильді қосымшасы іске қосылған. Бұл қызмет түрі «Азаматтардың өтініштерін қабылдау процесінің бірізділігі» жобасының бір бөлігі болып табылады. Оның міндеті – полицияның халықтың сұранысына жауап беруін қамтамасыз ету.

Әзірленген қосымшаның көмегімен елдің әрбір тұрғыны жасалған құқық бұзушылық немесе қылмыс туралы ақпарат жолдап, оның жауапсыз қалмайтынына сенімді бола алады. Жүйе арқылы өтініш беруге, оператормен аудио немесе бейне қоңырау арқылы байланысуға, қызмет алуға, сондай-ақ шақыруға жіберілген полиция жасағының жүрген жерін бақылауға болады.

Сонымен қатар «Police 102» мобильді қосымшасы және виджет арқылы бейне, аудио қоңыраулар жасауға болады.

Бұл "102" мобильді қосымшасы AppStore, PlayMarket арқылы ұялы телефон қосымшасынан тегін жүктеп алып, жеке мәліметтеріне сәйкес тіркеліп, электронды пошта немесе ұялы телефон енгізу арқылы растайды және таңдап алынған тақырыпқа сәйкес бейне/аудио қоңыраулар арқылы байланысып, өтініш/арыз/шағым қалдыруға, дабыл түймесін басу арқылы құқық бұзушылық туралы хабарлама жіберуге немесе полициядан көмек сұрауға болады.

Қармақшы ауданы Полиция бөлімі Кезекші бөлімшесі