qarmaqshy-tany.kz "Теңдік уақыты" ұранымен "Барлығы АИТВ/ЖИТС туралы" тақырыбындағы акция Алдашбай ауылының тұрғындарымен жалғасты.

Әлемнің назарын аудартып, алаңдатып отырған қасіретті дерттің осы түрінің жұғу жолдары, келтірер залалдары, одан сақтанудың жолдары жайлы халыққа егжей-тегжейлі түсіндіріліп,ақпараттандырылды. Салауатты өмір салтын ұстану, өз өміріне жауаптылықпен қарау, бала тәрбиесін басты назарда ұстап, жасөспірімдерге өнеге болуды мақсат ету, нашақорлықтан, зиянды әдеттерден аулақ болудың пайдасы жайлы айтылды. Қармақшы аудандық орталық аурухана медицина қызметкерлері ауыл тұрғындарын медициналық тексеруден өткізіп, кеңестер берді, АТМ-дар таратылды.