qarmaqshy-tany.kz Соған байланысты 2022 жылдың 21қараша -1желтоқсан аралығында жоспарланған "Теңдік уақыты" ұранымен акциясы басталған. 22-қараша күні ауданымыздағы Қармақшы аграрлы-техникалық колледж Қармақшы ауданында Дүниежүзілік ЖИТС–пен күрес күніне орай колледж студенттерімен кең көлемде акция өтті.

Мақсаты: жастар мен жасөспірімдерге ЖИТС-ның қазіргі таңдағы азаматтар арасындағы басты проблемасы екенін, оның зиянды жақтарын түсіндіру, ғасыр дертіне айналып отырғандығын ұғындыру, зиянды әдеттерден аулақ болуға шақыру. Шара барысында Қармақшы аудандық емханасының дерматовенеролог дарігері, Қызылорда облыстық Психо-әлеуметтік кеңес беру орталығының Қармақшы ауданы бойынша жауапты дәрігері Балмаханова Айткүл Майданбайқызы,ЖДО медбикесі Бекова Мереке Ерімқызы,СӨСҚ кабинетінің маманы Дариха Құлмырзаева және Қармақшы Жастар Денсаулығы Орталығының және аудандық емхананың психологы Әмина Кетебаева Тахирқызы қатысып, республика,облыс көлемінде АИТВ/ЖИТС–тің қазіргі таңдағы індеттік ахуалы,жұғу жолдарынан алдын алу және денсаулыққа байланысты жауапкершілікті арттыру жөнінде ақпарат беріп, студенттерге арнайы бейнеролик көрсетіп,жадынамалар таратып, сұрақтарына жауап берді.