qarmaqshy-tany.kz Мұхтар Омарханұлы Әуезов-қазақтың әйгілі жазушысы, қоғам қайраткері, Қазақ КСР Ғылым академиясының академигі, филология ғылымының тұңғыш докторы, профессор, Қазақ КСР-ның еңбек сіңірген ғылым қайраткері. Туған жері-бұрынғы Семей уезінің Шыңғыс болысы. М.Әуезов үлкен өмірлік, шығармашылық жолдан өткен ұлы тұлға. Өзінің тұңғыш шығармасы "Еңлік-Кебек " пьесасы. Өзінің шығармашылық асқарына апаратын Абай тақырыбына қалам тартады. Ұзақ зерттеп "Абай " және "Абай жолы" романдарын жазу - жазушының шығармашылықөміріндегі сүйікті ісіне айналады. М.Әуезовтің шығармашылық жеңісіне-КСРО Мемлекеттік сыйлығы мен Лениндік сыйлықты иеленеді.

1961 жылы ұлы жазушының есімін мәңгі есте қалдыру мақсатында Ғылым академиясының Әдебиет және өнер институты мен Қазақтың мемлекеттік академиялық драма театрына Мұхтар Әуезовтің аты берілді, әдеби-мемориалдық мұражайы ашылып, бірқатар мектеп, көше және Алматының бір ауданы М.Әуезовтің атымен аталды.

Ауылдық кітапханада ұлы жазушының 125 жылдығына орай "М.Әуезов- классик, үздік талант иесі" атты кітапханалық сағат болып өтті. Жазушының өмір жолы, шығармашылығы жайлы айтылып, оқырмандар кітап көрмесімен танысты. Кітапхана оқырмандары жазушының өздері оқыған шығармаларын бір-біріне баяндап, өзара талқылады.