Мұхтар Әуезов - 125 жыл

qarmaqshy-tany.kz Әр ұлттың ұлы тұлғалары болады. Олар қаншама ғасырлар өтсе де сол ұлттың мөрі секілді санаға соғылып, адамзаттың ортақ құндылығына айналады. Ағылшындар үшін – Шекспир, француздар үшін – Бальзак, орыстар үшін – Пушкин, үнділер үшін – Тагор, өзбектер үшін – Науаи, түркімендер үшін – Мақтымқұлы, әзербайжандар үшін – Низами, қазақтар үшін әрине – Абай. Сол Абайдың ұлылығы мен данагөйлігін ашқан Мұхтар Әуезов Әуезовте өткен ғасырдағы қазақ әдебиетінің алыбы.
Биыл Мұхтар Омарханұлы Әуезовтің туғанына 125 жыл толып отыр. Соған орай «AMANAT» партиясы Қармақшы аудандық филиалының мәжіліс залында Мұхтар Омарханұлы Әуезовтің өмірі мен шығармашылығымен таныстыру, ұлылардың өмірінен үлгі алуға баулу, шығармашылық танымдарын толықтыру мақсатында дөңгелек үстел болып өтті. Жиынға қатысушылар Мұхтар Әуезовтың өнегелі өмірімен танысып, рухани сусындады.